سه‌ره‌تا / بابه‌تی نوێ / بە بۆنەی روودانی کارەساتی بوومەلەرزە لە رۆژهەڵات و باشووری کوردستان

بە بۆنەی روودانی کارەساتی بوومەلەرزە لە رۆژهەڵات و باشووری کوردستان

ماڵپەڕی هەڵویست

ئێوارەی یەکشەمە ٢١ی خەزەڵوەر لە هەردوو بەشی رۆژهەڵات و باشووری کوردستان بوومەلەرزەیەکی بەهێز روویدا کە بەپێی ڕاگەیاندنی ناوەندە باوەڕپێکراوەکانی ئامریکایی و ئورووپایی، بە پێوەری ریشتر بە رادەی ٧.٣ مەزەندەکراوە. ئەم رادە لە بەهێزیی بوومەلەرزە  زۆر لە سەر و بە هەژانێکێ گەورە و وێراکەر دێتە ئەژمار. بە پێی دوایین ئامارەکان زۆرترین زیان و قوربانی و وێرانی لە رۆژهەلاتی کوردستان و پارێزگای کرماشان روویداوە.

بە پێی زانیارییەکان حکوومەتی ئێران سەرەڕای وەڕێخستنی هەراو هوریا، تا ئێستە بە گوێرەی پێویست و توانی دەوڵەتێک، هەنگاوی هەڵنەگرتوە و زۆرترین هاوکاریی و یارمەتییەکان بۆ ناوچە وێران بوەکان لەلایەن خەڵکی کوردستانەوە بوە.

بەم بۆنەوە لە زۆربەی شارەکانی رۆژهەڵاتی کوردستان ستاد(ناوەند)ی کۆکردنەوەی یارمەتیی مادی و شتومەک لە لایەن خەڵکەوە پێکهاتوە و خەڵک خۆیاان بە شناخت لە حکوومەتی ئیسلامی ، کومیتەی هاوکارییان پێکهێناوە و کۆمەڵانی خەڵکیش ئەوەی لە توانایاندایە بۆ هاریکاری و یارمەتی لێقەوماوان، درێخ ناکەن.

هاوکات لە باشووریش بوومەلەرزە زیانی  بوە ، لەو پێوەندیەدا حکوومەتی هەرێم بەگوێرەی توان بەدەم لێقەوماوانەوە چوە. و لەم بەشەی کوردستانیش یارمەتیەکانی کۆمەڵانی خەڵک بەرچاو و جێ ستایشە.

ئەوەی جێ سەرنجە ، ئەم بوومەلەرزە بە پێی بەهێزبوونەکەی زیان و وێڕانگەریی کەمتر لە ئاستی چاوەروان کراوە، بەتایبەت گەر ئەوە لەبەرچاو بگرین کە خانووسازیی لە ناوچەکە و بەتایبەت کوردستان لە ئاست و پێوەری ئیستاندرد و گونجاو بۆ رووداوە سروشتی‌یەکان دا نین.

کارناسانی بواری “بوولەرزەناسی” باس لەوە دەکەن کە بەهۆی روودانی بوومەلەرزەکە لە قووڵایی ٢٥ کیلومێتریی عەرز(بەختەوەرانە)گەرچی هێزی لە پلەی ریشتری ٧.٣ بوە، بەڵام قەڵشان و داتەپین و خزانی عەرز( کە هۆکاریی سەرەکیی رووخان و تێکدان و کوشتنن)زۆر بەرچاو نەبوە. سەلمێنەری ئەو راستیەش هەڵسەنگاندنی ئەو پێوەرە(٧.٣)ـە لەگەڵ بوومەلەرەزەکانی هاوشێوەی دیکەیە. بۆ نموونە لە ساڵی ١٣٨٢ی هەتاوی لە شاری “بەم” ی سەر بە پارێزگای کرمان(ئێران) بوومەلەرزەیەک لە ئاستی ٦.٦ ریشتر روویدا کە بوەهۆی کوژرانی ٢٦،٢٧١ کەس و برینداربوونی ژمارێکی زۆرتر و بێ لانە و کاشانە بوونی زیاتر لە ١٠٠ هەزار کەس. ئەڵبەت ناوەندە سەربەخۆەکان ئەو ئامارە ی حکوومەتی ئێران رەد دەکەنەوە و لەوباوەڕيدان قوربانی و بریندار و زیانلێکەوتوەکانی ئەو بوومەلەرزەیە زۆرتر لەو ئامار حکوومەتییەوە بوە.

ماڵپەڕی هەڵوێست وێڕای بەداخ بوون لەو پێشهاتە،  لە بنەماڵە و کەسوکاری قوربانیانی ئەو کارەساتە لە هەردوو بەشی کوردستان(رۆژهەڵات و باشوور) سەرخۆشی دەکات و هیوای چاکبوونەوەی برینداران و سارێژبوونی تەم و پەژارەی خەڵکی گشت کوردستان و بەتایبەت ناوچە بوومەلەرزە لێدراوەکان دەخوازێت.

بەرێوەبەریی ماڵپەڕی هەڵوێست

سەرچاوەی زانیارییەکان لەسەر بوولەرزەی شاری بەم:

https://fa.wikipedia.org/wiki/%D8%B2%D9%85%DB%8C%D9%86%E2%80%8C%D9%84%D8%B1%D8%B2%D9%87_%D8%A8%D9%85

ده‌رباره‌ هه‌ڵوێست

Profile photo of هه‌ڵوێست

ئه‌مه‌ش ببینه‌

بەڵای بنەماڵە، حەفتا ساڵ ستەمی ماڵباتی ”کیم ”

حاتەم مەنبەری بەشی یەکەم ئەگەر کێشەی کوریای باکوور چارەسەر بێت پێشەکیەکی کورت کۆتاییەکانی دەیەی ٣٠ی …

بزووتنەوەی کوردستانی رۆژهەڵات و رەخنەگرانی

نووسینی: هاشم کەریمی لە وڵاتی خۆمان دا هەندێک گۆڕهەبوون کە گۆڕی کافرانیان پێدەگوتن و خەڵکی …

وەڵامێک بنووسە

بازدە بۆ تووڵامراز