سه‌ره‌تا / بابه‌تی نوێ / ڕیفراندۆم یان ڕیفریوودۆم !

ڕیفراندۆم یان ڕیفریوودۆم !

نەجم محەمەد

وەک هاوڵاتیەک و تاکێکى ئەم هەرێمەبە پێویستم زانى ئازادانەو ڕاشکاوانە لێکدانەو بیرو بۆچون و سەرنجەکانى خۆم لەسەر ڕیفراندۆم بخەمە ڕوووخوێندنەوەیەکى تایبەتى خۆمى بۆبکەم نەک بچمە ژێرهەژموونى خوێندنەو لێدانەوەکانى تروخەڵکانێکى تر من پێم وایە پشنیاروبڕیاردان لەسەر ڕیفراندووم لەم هەلومەرجەى ئێستادا بەم تەرزەى ئێستا لەلایەن دەسەڵاتى کوردى وحیزبەکانەوە هیچ نیە جگە لەفریودانى خەڵکى نەبێت  بۆچەن دەیەیەکى ترى درێژەدان بەدەسەڵات و بەرژەوەندیە حیزبیەکان .ڕیفراندۆم نوێترین ئامرازو ڕێگەیە بەدەسەت دەسەڵات و حیزبەکانەوە بۆفۆرمات کردنەوە وئەبدێت کردنەوەى دەسەڵات وبەرژەوەندیەحیزبیەکانیان ومیکیاژێکى نوێ یە بۆجوانکردنەوەى سیماى ڕەش و دزێوى دەسەڵات وحیزبەکان  لاى خەڵکى ولەبیربردنەوەى قەیران ونەهامەتیەکان و بێ مافیەکانە لەبیرى خەڵکیداو پەردەیەکى ڕەشە بۆشاردنەوەیان هەرەەها خەون و هیواو خۆش خەیاڵى وئومێدى  ساختەو دروست کراوە بۆسەرمەستکردن وتەخدیرکردنى خەڵکى تاوەکووژیانى کولەمەرگى و پڕنەهامەتى و رۆژانەیانى ئەمڕو سبەى پێ بکەن  قەناعەت وقبووڵى ژیانێکى تاڵى لەوجۆرە بکەن  بەئومێدى گۆڕان وباشتر بوون.

دەسەڵات وحیزبەکان فریووى خەڵک دەدەن ودەڵێن ئەم هەلە هەلێکى مێژوویە ولەکیسمان چێت جارێکى تر دووبارە نابێتەوە زۆر ڕاست دەکەن  وزۆر جوانیان پێکاوە هەلێکى مێژوویە بەڵام بۆخۆیان و بەرژەوەندیە ئابوورى وسیاسى وحیزبیەکانیان نەک بۆبەرژەوەندیەکانى خەڵکى لەماوەى 26ساڵى ڕابووردووى  ئەم دەسەڵات و حیزبانەدا چەندین جار ئەم ڕستەى هەلى مێژوویەو بالەکیسى نەدەین وجارێکى تر ئەم هەلەمان بۆ ڕێک ناکەوێتەوە داوە بەگوێ ى خەڵکى کوردستاندا و خەڵکیان پێ فریووداوە نموونەى زیندوو هەڵبژاردنى پەرلەمانى کوردستان 1992بەم ڕستەیە خەڵکیان فریوودا گوایە هەلومەرجێکى نوێ هاتۆتە ئاراوە سەرەنجام نەک هەرهیچ ئاڵوگۆڕێک لەژیان وگوزەرانى خەڵکیدا ڕووى نەدا بەڵکو ژیان و گوزەرانى خەڵکى خراپتربوو وهاوکات شەڕێکى وێرانکەرویەکجاردژوارى ناوخۆیان هەڵگیرسان و بەهەزاران کوڕى خەڵکى هەژارو زەحمەتکێشیان کردە قوربانى ئەو شەڕە نەگریسەیان لەسەرکورسى دەسەڵاتیان و لەسەرداهات و سەروەت وسامانى  بەتاڵان براوى کوردستان لەولاشەوە خۆیان وەک پاشاکانى کەنداو دەژیان وخێزان وکوڕو مناڵەکانى خۆشیان دوور لەئاگرى شەڕو نەهامەتیەکان ڕاگرتبوو بۆئەوان هەلى مێژووى بوو بۆخەڵکیش هەلى نەهامەتى  وماڵوێرانى بوو.

دواتر خەڵکیان بە فیدڕاڵى فرێوو داو ئەویشیان  کردە هەلى مێژووى  ئەمەشیان هەلى مێژووى بوو بۆ خۆیان و دەسەڵا ت وبەرژەوەندیکانیان و بۆخەڵکیش هیچ دواتر دواى ڕووخانى ڕژێمى بەعس لەساڵى 2005دیسان ئەم ڕستە فریوودەرەیان دایەوە بەگوێ ى خەڵکیدا  بۆهەڵبژاردنەکانى پەرلەمانى عێراق و کوردستان ووەرگرتنى پشکى دەسەڵات و داهات  لە مەرکەزەوە لەمەشدا دیسان خۆیان خۆشبەخت و خۆشگوزەران بوون و خەڵکى کوردستانیش هیچ هەرئەو دەمە خەڵکى کوردستان لەگەڵ هەڵبژاردنەکاندا ئازادانە لەڕیفراندۆمێکدا زۆرینە دەنگیان بەسەربەخۆى وجیابوونەوەدا بەڵام ئەم دەسەڵاتەو حیزبەکان  بەهەند ئەو ڕیفراندۆمەیان  نەگرت و حسابیان بۆنەکرد ئەوان ئەو دەمە سەرمەست وسەرقاڵى وەرگرتنى دەسەڵات بوون لە حکومەتى ناوەنددا ئەوان سەرقاڵ و سەرمەستى بەرژەوەندیە سیاسى وئابوورى وحیزبیەکانیان بوون ئەگەر ڕاستیان دەکرد ئەو دەمە هەلى مێژووى بوو وەک خۆیان دەڵێن  دەبوو ئەو دەمە ڕیفراندۆمیان بەجدى بگرتایەو داواى سەربەخۆییان بکردایە دواتر حکومەت و دەسەڵاتێکى پێنج قۆڵیان پێک هێناو هەمان رستەیان دایەوە بەگوێ ى خەڵکیدا دیسانەوە خۆیان هەلەکەبۆیان شاهانەبوو بۆخەڵکیش هەلەکەگەدایانەبوو خەڵکیان خستە ناخۆشترین و سەخترین وقەیراناویترین و تاڵترین ژیانەوە.

لەئێستاشدا ئەوەتا دیسانەوە ئەم ڕستە سواوە فریوودەرەیان دەرخواردى خەڵکى داوەتەوە کەگوایە هەلومەرجێکى نوێ هاتۆتە ئاراوە  وهەلێکى مێژوویمان  لەبەردەممانە ونابێ لەکیسى بدەین من پێم وایە هەموو هەلومەرجە نوێکان و هەلەکان  دەسەڵات و حیزبەکان بۆخۆیان قۆستۆتەوە وخۆیان لێ ى سوود مەندوبەهرەمەند بوون بەشى خەڵکیش هەرنەهامەتى و ڕۆژڕەشى وناخۆش گوزەرانى و بێ بەشى وبێ مافى بووە  بۆیەدەبێ خەڵکى کوردستان چیتر فریوو نەخوات و هوشیاربێت تاکەى قوربانى بدەین ولەنەهامەتیابژین لەپێناو خۆش ژیان وبەختەوەر ژیانى کۆمەڵێک ..چینێکى دیارى کراو کەشاهانە لەسەروو هەموومانە بژین 26 ساڵ خەڵکى ئەم هەرێمە نەهامەتى دەچێژێ قوربانى لەدواى قوربانى دەدات لەپێناو شاهانە ژیانى چینێکى دیارى کراو بۆ تاکەى ؟؟!!! تاکەى لەچاوەڕوانى ئەم دەسەڵات و حیزبانەدابێت 26ساڵ خەڵکى کوردستان لەچاوەڕوانى ژیانێکى باشتردایە هەرباش نەبوو وخراپتر بوو باشه عومرێکە خەڵکى کوردستان لەچاوەڕوانیدایە یانى 26 ساڵى تر عومرێکى تر چاوەڕوانى بکات لەدەوڵەتى ساواى سەربەخۆیی کوردى کەگەورەبێت بەئومێدى باشبوون وگۆڕانى ژیانى کەباش نابێت و ناگۆڕێت  گەر خۆى بەخەباتى جەماوەرى نەیگۆڕێت و باشى نەکات ئیترکاتى ئەوە هاتووە خەڵکى کوردستان لەسایەى داهات وسەروەت وسامانى سرووشتى ئەم هەرێمەدا ئیتر بۆخۆى شاهانەبژی  ئەمەش تەنهاو تەنها بەخەباتێکى مەدەنیانەى جەماوەریانەى سەرتاسەرى دەبێت نەک ڕیفراندۆم وسەربەخۆیی و هەڵبژاردن نەک پشت بەستن وخەون گرێدان بەئەجنیداى ئەم حیزب و ئەو حیزب و دەسەڵاتەوە.

26ساڵى ڕابووردوو ئەم دەسەڵات و حیزبانە بەکردار سەلماندیان کەناتوانن ونایانەوێت بچووکترین  ئاڵوگۆڕى جدى لەژیان وگوزەرانى خەڵکى کوردستاندا بکەن نموونەى زیندوو بزانن ببینن  سەرنج دەن دواى 26 ساڵ لەحکومەتکردن  لەئێستادا خەڵکیان خستۆتە چ دۆخێکى خراپ و ناهەموارو بێ خزمەتگوزارى و ناخۆش گوزەرانیەوە تۆبڵێ ى ڕیفرادۆم و سەربەخۆیی ئەو دارە ئەفسونیە بێت لە چاو تروکانێکدا ژیان وگوزەرانى خەڵکى کوردستان بگۆڕێت من دژى سەربەخۆى و ڕیفراندۆمى خەڵکى کوردستان نیم بەمافێکى ئازادانەو دیموکراسیانەى خەڵکى کوردستانى دەزانم بەڵام ئەو ڕیفرانۆمەى ئێستا باسى لێوەدەکرێت ڕیفراندۆمێکى تەندروست نیەو مافێکى ئازادانەو دیموکراسیانەى خەڵکى کوردستان نیە بەڵکو مافێکى سەپێنراو دیاریکراو بڕیارلێدراوى دەسەڵات و حیزبەکانە پێشێل کردنى مافى خەڵکى کوردستانە و بۆ فریودانى خەڵکیە لەپێناو بەرژەوەندیە ئابوورى وسیاسى و حیزبیەکاندا نەک بەرژەوەندیەکانى خەڵکیدا .

کوا چپرسێ کرا بەخەڵکى کوردستان؟!! ئەوەى پرسى پێ کرا حیزبەکان بوو نەک خەڵکى کوردستان. .ڕیفراندۆم  دەبێت لەخەڵکەوە بۆ خەڵک بێت نەک لەدەسەڵات و حیزبەکانەوە بۆخەڵکى  ودواتریش خەڵکى کوردستان وەک چەپکێک گوڵى جوان  ووەک هێلکەیەکى پاککراو بەدیارى پێشکەشى دەسەڵات وحیزبەکانى بکات دواتر ئەودیاریە دەبێتە تەوق و بەڵا بۆگەردنى خەڵکى کوردستان..  من لەگەڵ ڕیفراندۆم و سەربەخۆییدام  بەو مەرجەى خەڵکى کوردستان خۆى چارەنووسى خۆى دیارى بکات خۆى نوێنەرو حاکم وبەرپرس ووەزیرو دەسەڵاتدارەکانى خۆى دیارى بکات  نەک ئەم دەسەڵاتەو حیزبەکانى  وەک پیشەى هەمیشەییان خۆیان هەمووشتێ دیارى بکەن وهەمووبڕیارێ بدەن بە تەوافق وبەپێ ى  وەک خۆیان دەڵێن ئیستحقاقى ئینتخابى ئەم دەسەڵاتە ئەوەندە خەڵکى دەوێ و دەناسێ کەدەنگى بۆبدات دواتر ئیتر نایناسێت و نایەوێت و سەرکوتى دەکات ئێستاش خەڵکیان بۆ ڕیفرادۆم دەوێت کەبەڵێ بکات دواتر ئیتر خەڵکیان ناوێت ودواى بەرژەوەندیەکانى خۆیان دەکەون من لەگەڵ ڕیفرادۆم ودەوڵتێکى سەربەخۆدام کەتیایداداهات و سامانە سروشتیەکان بەیەکسان بۆهەموان بێت یاسا سەروەربێت   شکۆو کەرامەتى ئینسانەکان پارێزراوبێت  ئازادیەکانى تاک پارێزراوبێت هەلى کارو دامەزراندن بەیەکسان بۆهەموان ڕەخسابێت  ئازادى بیرکردنەوە وڕۆژنامەگەرى وبیروباوەڕ پارێزراوبێت  مافى کەمایتیەنەتەوەییەکانى تر پارێزراوبێت من لەگەڵ ڕیفراندۆم وسەربەخۆییەکدام کەلەسایەیدا خەڵک خۆشگوزەران بێت و بەهرەمەند بێت لە هەموو خزمەتگوزارى و مافە مرۆییەکان  وهتد لێرەدا پرسیارەگرنگەکەئەوەیە ئایا ئەوڕیفراندۆم وسەربەخۆییەى ئێستا دەسەڵات وحیزبەکان باسى لێوە دەکەن  ئەودونیا ئازادو خۆشگوزەران وپڕخزمەتگوزارى ومافەمرۆییانە بۆخەڵکى کوردستان دێنێت  وەڵام ، نەخێر.

من پێم وایە ئەگەرى ئەوە هەیە دواى ئەنجامدانى ڕیفراندۆم  خەڵکى کوردستان وێڕاى ئەم ژیانە قورس و ناڕەحەت و تاقەتپڕوکێن وپڕنەهامتى وبێ مافیەى  موجازەفەى پێ بکرێت وبخرێتە دۆخێکى خراپتروشەڕێکى گەورەو ماڵوێرانکەرى تر لەهەمووشەڕەکانى پێشووترى  ڕووبەڕووبکرێتەوە شەڕى ووڵاتانى دراوسێ و شەڕى حەشدى شەعبى و حکومەتى ناوەند وخەڵکى کوردستان زۆر بەقورسى باجى ئەم شەڕە دەدات و ڕۆڵەکانى ئەوان دەبنە سووتەمەنى ئەم شەڕە نوێ یە وەک هەموو شەڕەکانى ترى پێشوو چۆن بوونە قوربانى و سوتەمەنى و ڕۆڵەکانى دەسەڵات و حیزبەکانیش  وەک هەموو جار دوور لەئاگرى ئەو شەڕە دەبن هەرچەندە پێشبینى کردنى ئایندە سەخت وگرانە بەڵام ئەزمونى 26ساڵى دەسەڵات وحیزبەکان گەواهى ئەو پێشبینیەدەدەن بۆیە من پێم وایە دەبێت خەڵکى کوردستان لەئێستاوە  هوشیاربێت و شەڕى خزمەتگوزاى و خۆشگوزەرانى بکات کێشەى خەڵکى کوردستان بەدرێژایی 26ساڵى ڕابووردوو کێشەى خۆشگوزەرانى و خزمەتگوزاریی بووە  نەک کێشەى  ڕیفراندۆم و سەربەخۆیی کەمن پێم وایە لەئێستادا نەڕیفراندۆم نەسەربەخۆیی خۆشگوزەرانى و خزمەتگوزارى بۆ خەڵکى کوردستان ناهێنێت ئەو بەهەشتەنیە خەڵک خەونى پێوە دەبینێت  من چى لە سەربەخۆى و ڕیفرانۆم بکەم کە خۆشگوزەران نەبم و خزمەتگوزاریم نەبێت و وەک مرۆڤى سەردەم نەژیم و بەهرەمەند نەبم لەمافە سەرەتاییە مرۆییەکانى خۆم کێشەى من کێشەى سەربەخۆیى وڕیفراندۆم نیە بەڵکو کێشەى ژیان و وەک مرۆژ ژیانە ئازادانە وبەهرەمەند لە مافە مرۆییەکان بەهرەمەند لەشکۆى مرۆیی  ڕیفراندۆم وسەربەخۆیی هەرگیز ناتوانێ کۆتایی بەم ستەم وکێشە چینایەتى و مرۆیی و خۆشگوزەرانى وخزمەتگوزاریانە خەڵکى کوردستان بێنێت.

من پێم وایەڕیفرانۆم و سەربەخۆیی لەسایەى ئەم دەسەڵاتە خۆماڵیە و دەسەڵاتى ناوەندو دەسەڵاتى دراوسێکاندا  هەرگیز ئەو خەونە مرۆییەمان بۆناهێنێتە دى وژیانمان خراپتر دەبێ باشتر نابێ ئەمە نەترسە نەڕەشبینى بەڵکو واقیع بینى و ئەزموونە بۆیە بەڕاى من باشترین ئەڵتەرناتیف خەباتى مەدەنى جەماوەرى سەرتاسەریە لەکوردستاندا بۆ بەدیهێنان و بەدەستهێنانى داواکارى وخەون ومافە مرۆییەکانمان نەک ڕیفراندۆم وسەربەخۆیی بەو تەرزو شێوەیەى دەسەڵاتداران و حیزبەکان بۆخۆیان دەوێت نەک بۆ خەڵکى .

ئەوى بە ى منەوە مایەى سەرنج وتێڕامانە ئەوەیە هەندێ گروپ و حیزب و لایەن و کەسایەتى چەپ و کۆمۆنیستى  پشتگیرى ئەم جۆرە ڕیفراندۆمەدەکەن بۆسەربەخۆییى وخەڵکى بۆهاندەدەن بە ودەلیلەى کە دروستبوونى دەوڵەتێکى کوردى و سەربەخۆییی بوون  زەمینە خۆش کەرە بۆ دروست بوون وشکڵ گرتنى خەبات و ناڕەزایەتى  بەرفراوانى جەماوەریى وخەڵکى کرێکارو هەژارو زەحمەتکێش و ڕزگاربوونە لە سەرگەردانى سیاسى ونادیارى چارەنووسى خەڵکى من پێم سەیرە چەپەکان وکۆمۆنیستەکان ئەو خۆش باوەڕى وخۆش خەیاڵیە لاى خۆیان وخەڵکى دروست دەکەن بەپێچەوانەى ئەوانە من پێم وایە سەرگەردانیە سیاسیەکان زیاترو دژوارتردەبن و چارەنووسى خەڵکى کوردستانە زیاتر نادیارو ناڕوون دەبێت وناڕەزایەتى وخەباتى جەماوەرى خەڵکى هەژارو زەحمەتکێش بەرتەسکتردەکرێتەوە  لە جاران و بەشێوەیەکى بەرفراوانترو نامرۆییانە ترسەرکوت دەکرێت وناڕەزایەتیەکان خەڵتانى خوێن دەکرێن وئازادى و مافەکان زیاتر بەرتەسک دەکرێنەوە .

ئەوەى ئەو بەشە لە چەپ و کۆمۆنیستەکان باسى لێوە دەکەن کەسەربەخۆیى  زەمینەخۆشکەرە بۆ ناڕەزایەتى وخەڵکى کوردستان وخەباتى جەماوەرى  ڕاستە بەڵام بۆ کۆمەڵگا و دەوڵەت و دەسەڵاتێکى دیموکراسیانەوە وئازادانەى هەندێ لە ووڵاتە ئەوروپیەکان  کەباوەڕیان بەمافەکانى مرۆڤ هەیەنەک کۆمەڵگاو دەوڵەت و دەسەڵاتى کوردى  کەباوەڕى بە بچووکترین بنەماکانى ئازادى و دیموکراتى و مافى مرۆڤ نیە بە هەمووشێوازێک پێشێلیان دەکات دەسەڵاتى کوردى دەسەڵاتێکى تەندروست و مرۆیی نیە تازەمینەخۆشکەربێت بۆخەباتى جەماوەرى ئەم دەسەڵاتە هەرلە دەسەڵاتە حوکمڕانیەبەرەییەکەیەوە بیگرە تادەگاتە دەسەڵاتە حکومى و پەرلەمانیەکەیەوە بەدرێژاى 26ساڵى ڕابووردوو ئازادیەکانى خەڵکى بەرتەسککردۆتەوە و مافەکانى خەڵکى پێشێل کردووە و ناڕەزایەتیەکانى بەدڕندانەترین شێوە سەرکوت کردووە وخوێناوى کردووە نموونەکان زۆرن هەرلە سەرکوتکردنى شۆراکانەوە بیگرە تادەگاتە ناڕەزایەتى و خۆپیشاندانەکانى شارو شارۆچکەکانى کوردستان .

لەماوەى ئەو 26 ساڵەدا کەهەمیشە بەفیشەک و هێزوتووندوتیژى وەڵامى داخوازیەکانى خەڵکیان داوەتەوە نممونەى زیندووخۆپیشاندانەکانى ساڵى1993و1994هەڵەبجەوخۆپیشاندانە گەورەو فراوانەکەى ساڵى 1994 خەڵکى هەولێرکەلەسەر بیناى پەرلەمانەوە تەقەیان لەخەڵکى دەکرد وخۆپیشاندانەکانى شارى کەلارو گەرمیان وهتد نموونەکان زۆرن خۆپیشاندانەکان زۆرن هەرهەموویان بەفیشەک وتوندوتیژى وخوێن وەڵامیان پێ دراوەتەوە ئەم دەسەڵاتە 26 ساڵە خاوەنى دەوڵەتى سەربەخۆنەبووە ئاوا خەڵکى سەرکوت کردووە  جاوەرە سبەینێ دەوڵەتى سەربەخۆى هەبێت  دیارە سبەینێش هەمان ئەقڵ وهەمان دەموچاو هەمان کاراکتەردەبنە دەسەڵاتدار لەدەوڵەتى سەربەخۆى کوردى دامن پێم وایە بەتەکنیکى نوێتربەدەست ئاوەڵایی زیاترەوە خەڵکى کوردستان سەرکوت دەکات ئەم دەسەڵاتى کوردیەى ئەم هەرێمە دەسەڵاتێکى زۆر عەجیب و غەریبە لەهیچ دەسەڵاتێکى دونیا ناچێ وهیچ دەسەڵاتێکى دونیاش لە وناچێ دەسەڵاتى کوردى دەسەڵاتێکى ناتەندروست ونامەدەنیە ونامرۆییە هیچ ووشەیەک نیە پێناسەى ئەم دەسەڵاتەى پێ بکەیت دەبێت ووشەیەکى نوێ لەفەرهەنگى سیاسیدا  بخوڵقێنیت وداهێنیت ئەم دەسەڵاتەى پێ وێنا بکەیت وپێناسەبکەیت من پێم وایە هەرووشەیەکى ترهەرفەرهەنگێکى ترئاراستەى ئەم دەسەڵاتەبکەیت پێم وایە سووکایەتى بەو ووشەو فەرهەنگەوە دەکەیت .

من زۆر پێم سەیرە هەندێ لەچەپ وکۆمۆنیستەکان وابیردەکەنەوە هەمووکەس ئەو تێڕوانینەى هەبوایە دەبوو کۆمۆنیستەکان ئەو تێڕوانینەیان نەبوایە چونکە کۆمۆنیستەکان وچەپەکان لەهەمووکەس چاکتر ئەم دەسەڵاتەیان ناسیوە ولەهەمووکەس زیاتر زەربەى ئەم دەسەڵاَتەیان بەرکەوتووە سەردەمانێک لەسایەى ئەم دەسەڵاتەدا کۆمۆنیستەکان بۆیان نەبوو ڕادوێیان هەبێ بارەگایان هەبێ وچالاکى سیاسیان هەبێ تەنانەت بۆیان نەبوو بەئازادى بەیاننامەیەکیش بڵاوبکەنەوە لەسەر بڵاوکردنەوەى بەیاننامەیەک دەگیران وزیندانى دەکران هەمووکەس مێژووى لەبیرچێتەوە کۆمۆنیستەکان نابێت لەبیریان بچێتەوە چونکە مێژوو بۆ لەبیرکردن نیە بەڵکو بۆئەزموون وەرگرتنە ئەم دەسەڵاتە هەمان ئەودەسەڵاتەیە هەمان کاراکتەرى سیاسین خراپتربوون باشتر نەبوون ئیتر نازانم چۆن ئەم دەسەڵاتە ئەو فەزائازادە دروست دەکات یان چۆن ڕێ دەدات ئەو فەزایەدروست بێت تیایدا بزووتنەوەى ناڕەزایەتى و  جەماوەرى دروست بێت من پێم وایە ئەو دەمە هەرناڕەزایەتیەک دروست بێت ئەم دەسەڵاتە بەدووژمنى دەوڵەتى ساواى سەربەخۆى کوردى تۆمەتبارى دەکات  بەتووندى بەگژیدادێتەوە وسەرکوتى دەکات وەک چۆن  دواى دروست بوونى حکومەتى ساواى کوردى لەساڵى 1992 بزووتنەوە ناڕەزایەتیەکانى خەڵکى بەتابوورى پێنجەم وهتد تۆمەتباردەکرد من مەبەست ئەوەنیە کەخەڵکى کوردستان بێ ئومێد کەم و سارد کەمەوە لەناڕەزایەتى وخەباتى جەماوەرى نەخێر من پێم وایە هەموو کاتێک زەمینە هەیە بۆخەبات و ناڕەزایەتى دەبێت خەبات و ناڕەزایەتیەکان بەردەوام وڕۆژانەبن نەک ببەسترێتەوە بە ڕیفراندۆم و سەربەخۆیی و دروست بوونى دەوڵەتى کوریەوە وخەڵکى لەچاوەڕوانیدا بهێڵیتەوە تازەمینە لەباردەبێت من پێم وایە هەرئیستاو ئەمڕۆ وسبەینێ زەمینە هەیە بۆ خەبات و ناڕەزایەتى.

ده‌رباره‌ نەجم موحەمەد

Profile photo of نەجم موحەمەد

ئه‌مه‌ش ببینه‌

بە مەرگی مامۆستا ئەمیری حەسەنپوور، بزووتنەوەی چەپ یەکێک لە ئەمەگناسانی خۆی لەدەدا

ماڵپەڕی هەڵوێست رۆژی شەمە ٢٤ی مانگی جون(ژوئەن)، تێکۆشەری  زمانناس، بیرمەندی چەپ، مامۆستا ئەمیری حەسەنپوور لە …

یادێک لە شاعیری شۆڕشگێڕ سەعیدی سوڵتانپوور

دوای کودەتای ١٣٣٢ی هەتاوی ١٩٥٢ی زاینی–ئەمریکایی-ئینگلیزیی ، شا- زاهیدی و ئیعدامی دەیان رۆڵەی شۆڕشگێڕ و …

وەڵامێک بنووسە

بازدە بۆ تووڵامراز