سه‌رپه‌ڕ   نووسه‌ران   ‌  سیاسی    ئه‌زمونی‌خه‌بات     هـونــه‌ر     تـه‌نــز     وتووێژ     فارسی     پێوه‌ندی   

 

 

ئەزمونێک کە نابێت بازبدەین بەسەریدا!

بەهادین حاجی بەکر (ریبوار عارف)

هەڕەشەی تیرۆرو پەلاماردانی نووسەران و هەڵسوڕاوانی سیاسی لە کوردستاندا تەمەنێکی درێژو پڕکارەساتی لەپشت سەرناوە. ئەوەی لەم ڕۆژانەدا دیتمان تەنیا هەڕەشە لەقەڵەمێک و سڕینەوەی ناوی کەسایەتیەک نەبوو کە سالەهایە لەسەنگەری بەرنگاری ئازادی بەیاندایە، بەلکو هەڕەشەیەکی یەکجار مەترسیدارترو فراوانترە کە دەیەویت تەنانەت لە دنیای مەجازیەشدا کە ئێمە دەماوێت تێدا بیروڕای خۆمان دەبرین، هەڕەشەکان گەورەترو مەترسیەکان زۆرزیاتر بکات! بۆیە ئیتر "پەیکار عوسمان" نەیتوانی خۆی و دۆخەکە بە غافلگیری بسپێرێت، ئیدی ئیستێک بووە ئیزگەی هەلوێستەیەک، چونکە پەیکار دلنیابوو ئەگەر جەستەو گیانیشی هیخۆی، بێت ئەوا قەڵەمەکەی مۆلکی تەنیا خۆی نیەو بەشێک لەسەرمایەی هەموومانە. بۆیە ناکرێت یاریی بەچارەنووسی بکات و ئاسان ڕێگە بدات کەملی لەو شمشێرە خوێناوییە بگەوزێنێت کە هەڕەشە لە هەموومان دەکات!

بۆیە کاتێک کە ڕاچەنی نووسینکی لەژیرناوی "بۆ شەمشەمە کوێرەکان"دا نووسی کە هەموومانی لەپشت کۆمپیوتەرەکانمانەوە راچلەکاند و بەشێوەیەک هەستمان بە تەنگەنەفەسی خۆماندەکرد هەستمان بەوە کرد کە ئازادی بێ‌قەیدومەرجی بیرورا دەربرین لەبەردەم باجێکیتردایە. هەربۆیە سەدان دۆست و هاورێی نیگەرانی و هاودلی خۆیان دەربری، دەیان سیاستمەدار و پەلەمانتار و نووسەر دەنگیان بەرزکردەوە و هەرجۆرە هەڕەشەیەکیان لە پەیکار بەتووندی مەحکوم کرد!

بەڕێزان! هەڕەشەی تیرۆر و کۆشتن لە ئازادیخوازان و نووسەران و ڕۆژنامەوان لە کوردستاندا مێژوویەکی زۆر دورودرێژتری هەیەو لە چەند سالی رابردودا دەیان کەسایەتی وەک عبدلقادر معروف، عبدلستار شریف، شاپور عبدلقادر، قابیل ، سەردەشت عوسمان، کاوە گەرمیانی.... بوونەتە قوربانی تێڕۆر و رەشەکوژیی رووناکبیران و رەخنەگران!

ئەوەی هەنگاوەکانی یەک دوو سالی ڕابردو لە چارەکە سەدەی پێشوو جیادەکاتەوە، ئەوەیە کە هەڕەشە و پەلاماردانەکان سنووری ناوخۆی کوردستانیان بەزاندوە و ئێستە نەیارانی ئازادی بیرورادەربین لە هەندەرانیش بەدوامانەوەن، کە هەڕەشەکانی ئەم دوایانە بۆ سەر بەڕێزان، کامیار سابیر و عەبدللە و پەیکار دواین نموونەکانی تائیستەن. بەوشێوە دەیانەوێت لێرەش لە توونێلی ڕەشی هەڕەشە و چاوترساندن و پەلاماردانەوە بێدەنگمان بکەن و ناچارمان بکەن بەملدان بە ڕەوشتە ڕەزیل و ڕیسواکانیان و چیدی قەڵەمەکانمان لە ئاست کارنامەی رەش و ناشیرین و دزیویان بێدەنگ بکەن  ئەو کارەساتە گەورانەی کە بەرۆکیان بەم کۆمەلگایە گرتووە لەقاو نەدرێن. 

پەیکارو دۆستانی و ئازادی بەیان و بیرورادەربرین

بینمان بەختەوەرانە کاتیک کە پەیکاری هاوکارمان هاتەدەنگ، شەپۆلیکی فراوان لە هۆگرانی ئازادی بەیان و بیرورا دەربڕین، هاتنەسەر خەت و نەک هەر نیگەرانی خۆیان دەربری، بەلکوو بە پەیامی هاوپشتی و هاودلی خۆیان جاریکتر شوورەیەکی بەهێزیان لە ڕووی تیرۆریستان و نەیارانی ئازادی بەیان و بیرورا دەربرین دروستکرد. بەجۆرێک نەک هەر ڕێگە بە تیرۆرکردنی هیچ کەسێک نادرێت، بەڵکو نیشانیماندا کە لەسەر درێژەپێدانی خەباتمان ڕاناوەستین و ڕامانگەیاند کە ئێمە هەموومان پەیکارین و ئێوە ناتوانن هەموومان تیرۆربکەن و گەر ئەم کارەشتان بۆ بکریت، بە دڵنییاییەوە ناتوانن ڕێگە بە ئازادی بەیان و بیرورادەربرین بگرن!

بەلام پرسیار ڵیرەدایە ئەوەیە کە ئایا چیترمان پێدەکرێت ؟

بەڕێزان ئەوەی کە پەیکار دەکاتە هێمایەک بۆ گردبوونەوەی ناڕەزایەتی دەربرینمان، قەڵەمەکەیەتی کە دوای ئەو پشگیریە فراوانەش بەڵێنیشیدا کە تەنانەت لە دۆستان و هاوکارانیشی سەرفەنەزر نەکات و قەڵەم هەمیشە بەرز ڕاگریت. بۆئەوەی کەهێزی ڕاگرتنی قەلەم بەرزراگرین، پێویست دەکات کە هەڵوێستەیەکی زیاتربکەین و بزانین چیترمان پیدەکریت!

بەدلنیاییەوە کێشە گەورەکە ئەوەیە کە قەلەمرەوی ئازادی بەیان و بیروڕادەربڕین لە کوردستاندا لەبەردەم هەرەشەو مەترسیدایە. کەدیارە دەسەلات و حزبە سیاسەیەکان پشکی سەرەکی و بەرپرسیاریەتیان لە بەرتەسک کردنەوەی ئازادییەکان و هەرەشە بۆ سەرد ئازادیی بەیان لە ئەستۆدایە؛ بۆیە دەبێت هەموو ئەو ڕێگەو میکانیزمانە بگرینە بەر کە دەتوانێت پەنجەرەیەک بە ڕووی ئازادیدا زیاتر بکاتەوە.

دیارە لە چەند ساڵی ڕابردودا بزوتنەوەیەکی فراوان بۆ داکۆکیکردن لەئازادی بیرورا دەربڕین لەمەیدانابووە کە بەدروست ئەمە لەنیو شەپۆلێکی فراوان لە پەنابەرانی ئازادیخواز و هەلسوراوانی داکۆکیکەر لە ئازادی بیرورا لە هەندەراندا جێگەی پشیتیوانی کردن بووە. بەلام گیروگرفتی سەرەکی ئەم جولانەوەیە لەوەدایە کە تەنیاو تەنیا لە بازنەی داخراوی خۆماندا سوراوەتەوە و لەکەمترین ئاستدا نەچووتە نیو دەزگاکانی ڕاگەیاندنی ئەم ولاتانە و نێو پەرلەمان و نیهادە نیوەنەتەوەیەکان و ناوەندەکانی داکۆکیکردن لە ئازادی بەیان و بیرورادەربڕین.

ئەگەر چەند حالەتێکی دەگمەنیش هەبووبن تەنیا هەولێکی سەرەتایی و کاتی بووە. تائیستە نەمانتوانیووە لەدەوری پلاتفۆرمێکی دیاریکراو بۆ گوشار خستنەسەر حکومەتی هەریمی کوردستان کۆبینەوە و بیانخەینە بەردەم گۆشاریکی نیونەتەوەی بەردەوام تا هەموو ئازادیخوازان لەهەر گۆشەو کەناریکی دنیا بتوانین لەڕێگەی فراوانکردنەوەی ئەو تۆرە هاوپشتیە، ئازادی بەیان وبیرادەربین بەهێزتربکەین. ئەوەی کە ماوەتەوە بیلین، ئەوەیە وەلامدانەوە بەم بۆشاییەو خستنەرێ جولانەوەیەکی کارا و ئامانجدار ئەرکی هەموو ئینسانیکی ئازایخواز و بەتەنگەوە چوونی ئازادی بەیان و بیرورادەربریتە

 


بۆ ناردنی کۆمێنت یا روانگه‌ و بۆچوونی خۆت له‌سه‌ر ئه‌م بابه‌ته‌

پێوەندیی:

helwist@gmail.com

 

 

 

هه‌ر بابه‌تێک له‌ لایه‌کی دیکه‌ بڵاو بکرێته‌وه‌ له هه‌ڵوێست دا  ئارشیڤ ناکرێت          Copyright © 2004-2010               Helwist.com