جه‌عفه‌ری حه‌سه‌نپور                          jafar22@telia.com  

ناساندن

کورته‌ی ژیان، کارونووسراوه‌کان

جه‌‌‌فعه‌ر حه‌سه‌نپور له‌ساڵی (1949)-ی عیسایی له‌شاری سابڵاغ (مه‌هاباد) له‌دایک بووه. له‌ 1983 ڕا له‌سوید ده‌ژی وله‌ 2006 به‌هۆی نه‌خۆشی خانه‌نشین کراوه.

 له‌سابڵاغ خوێندنی سه‌ره‌تایی و چوارساڵ له خوێندنی ئاماده‌یی و له‌تاران له‌فێرگه‌کانی لامعی‌ و خاره‌زمی، باقی خوێندنی ئاماده‌یی ته‌واو ده‌کا. له 1973 له زانستگه‌ی تاران ده‌بێته‌ به‌که‌لۆریا (لیسانس)-ی  زانسته‌کۆمه‌ڵایه‌تییه‌کان و له‌ 1999 له زانستگه‌ی ئوپسالا له‌سوید، ده‌بێ به‌ دوکتور له زمانه ‌ئێرانییه‌کاندا. نامه‌ی دوکتوراکه‌ی لێکۆڵینه‌وه‌یه‌که له‌و وشانه‌ی که له‌زمانه‌ ئوروپایییه‌کان و فارسی و عاره‌ویی ڕا هاتوونه‌‌ته ناوکوردی خوراوو (سۆرانی).

 دوای ته‌واوکردنی خوێندن، ده‌گه‌ڕێته‌وه سابڵاغ و د‌‌ه‌بێته‌مامۆستای فێرگه‌‌ ئاماده‌یییه‌کان. له‌سوید له زانستگه‌‌کانی ئوپسالا و کارلستاد خه‌ریکی کارکردن بووه وله شاره‌‌وانی کارلستاد به‌رپرسی پڕۆژه‌ی گونجاندنی په‌نابه‌ران. 

 نامه‌ی دوکتوراکه‌ی چاپ و بڵاوبووه‌ته‌وه. وتاره‌کانی جه‌‌فعه‌ر حه‌سه‌نپور به‌ کوردی، ئینگلیزی و سویدی له گۆڤاره‌کانی سوید و کوردستان بڵاوبوونه‌وه. له 2003 له ئاستافی ماڵپه‌ڕی خۆی هه‌بووه که ئێستا هه‌ڵگیراوه. له نێوان 2004 تا 2007  له  دیمانه‌دا وتارنووس بووه تا ماڵپه‌ڕه‌که داده‌خرێ. ئێستا وتاره‌کانی له ئا‌‌رشیڤی (dimane.com )- دا ماون. له 2007 ڕا له ماڵپه‌ڕی هه‌ڵوێست( helwist.com)- دا نووسراوه‌کانی بڵاو ده‌کاته‌وه و دوای ماوه‌یه‌کی کورت،  ده‌بێته‌خاوه‌نی ماڵپه‌ڕی خۆی وه‌ک میوان. وتاره‌کانی زیاتر له‌و دوو گۆڤاره‌ی ‌سه‌رمانگیله‌کاندایه به‌ڵام له چه‌ند ماڵپه‌ری دیکه‌ش هێندێک وتاری نووسیوه‌.

نا.