جه‌عفه‌ر حه‌سه‌نپور          jafarhasanpoor@gmail.com

وه‌ڕی‌خستنه‌وه‌ی ماڵپه‌ڕی ڕێنێسانس ئیمکانی هه‌یه!

2009.01.29

به‌شی شه‌شه‌م وکۆتایی: 

ڕه‌وتی ئاڵوگۆ‌ڕ له گۆڤارێک به‌کاری خۆبه‌‌‌خشینه‌وه بۆ گۆڤاری پرۆفێشوناڵ

ئه‌لف:  گۆڕان له گۆڤارێک به‌کاری خۆبه‌خشینه‌وه‌ بۆ گۆڤارێکی پرۆفێشوناڵ   ڕه‌وتێکه و ماوه‌یه‌کی زۆر ده‌‌خایه‌نێ.

ب: کۆمیته‌ی کارگێڕی کۆمه‌ڵه‌ی ڕێنێسانس (ک.ک.ک.ر.) کۆمیته‌یه‌‌کی سه‌رده‌می خولی تێپه‌ڕینه‌ له گۆڤاریک به‌کاری خۆبه‌خشینه‌وه بۆ گۆڤارێکی پڕۆفێشوناڵ. بۆیه تێکه‌لاوێکه له کۆن و نوێ. کاری خۆبه‌خشین پیرۆزه به‌لام ده‌بێ وه‌ک "به‌شێک" له‌کاره‌کان چاوی لێکرێ نه‌ک وه‌ک سیسته‌م.

پ: به‌په‌له گیرانی کۆبوونه‌‌ی گشتی کۆمه‌ڵه‌‌ی ڕێنێسانس که‌‌موکوری تایبه‌تی خۆی هه‌یه. بۆلابردنی ئه‌وکه‌موکوڕییانه ده‌بێ جارجار کۆبوونه‌وه‌ی گه‌ور‌‌ه‌‌ی ئه‌‌ندامان‌  بگیرێ و که‌موکوڕییه‌کان لابردرێن. هه‌روه‌ها ده‌بێ پڕۆژه‌‌‌بۆ به‌ڕێوه‌بردنی کاره‌کان ئاماده‌کرێ و بڵاوکرێته‌وه.

پ:  ده‌‌‌بێ پڕۆژه‌‌ی ڕوون‌بدرێ بۆ شێوه‌ی هه‌واڵ نووسین.

ت: به‌ڕێوه‌به‌رانی ڕێنێسانس ده‌بێ به‌چیکڵدانه و به‌تابوشت بن چونکه گیروگرفته‌کان زۆرن به‌ڵام ئیمکانی گۆڕان هه‌یه. نابێ بترسێن که هه‌ڵه‌‌یان کرد هه‌ڵه‌کان قبوڵ که‌ن و حه‌ولبده‌ن  هه‌ڵه‌کان راست‌که‌نه‌وه.

 6-1- پێشه‌کی

‌به‌شه‌کانی یه‌‌که‌م  ، دووه‌م ، سێیه‌م ، چواره‌م  وپێنجه‌م له 2009.01.14 ، 2009.01.19 ،2009.01.21  ،  2009.01.24   و  2009.02.25  دا بڵاوبوونه‌وه.

 به‌شی کۆتایی زنجیره‌که‌ ئه‌مڕۆبڵاوده‌بێته‌وه.  دوای بڕیاری ده‌ست‌پێکردنه‌وه‌ی ڕێنێسانس ئه‌رک و کاروباری تازه‌دێته‌پێش و زنجیره‌یه‌‌کی تازه‌ ده‌ست‌پێده‌که‌م.

 له‌به‌شه‌که‌ی ئه‌مڕۆدا چه‌ند پێشنیار باس ده‌که‌م ڕه‌نگه (ک.ک.ک.ر.) خۆیان باسی ئه‌و خاڵانه‌‌یان کردبێ و بیانه‌وێ که‌م‌که‌م بڵاوی که‌نه‌وه. مه‌به‌ستم ئه‌وه‌‌یه بڵێم که زانیاری ده‌توانێ شارومه‌نده‌کان ئاماده‌کا بۆ بڕیاردان و هاوکاری زیاتر.

6-2- پڕۆژه‌‌ئابورییه‌کان

 به‌پێی ڕاگه‌‌یاندراوی کۆمیته‌ی کارگێڕی کۆمه‌ڵه‌‌ی ڕێنێسانس  له 2009.01.28 دا، زۆرزوو کاروباری ڕێنێسانس ده‌‌ست‌پێده‌کاته‌وه که هه‌واڵێکی خۆش  بوو و ئه‌رکێکی قورس! بابزانین ئه‌و ده‌‌ست پێکردنه‌وه له چ کاتێک ڕووی داوه.

ئه‌لف: ڕێنێسانس گۆڤارێکی سه‌ربه‌خۆبوو و بنه‌ڕه‌ته‌که‌ی کاری خۆبه‌خشین. ئێستا ده‌بێ له‌وخوله‌ڕا بچین بۆ کاری ڕۆژنامه‌وانی پڕۆفێشوناڵ، بۆئه‌وه‌ی بمێنین ده‌بێ سیستمه‌مێکمان هه‌بێ، ڕۆژنامه‌وان و ده‌سته‌ی نووسه‌رانمان هه‌بێ و له‌باری ئابورییه‌وه خۆمان به‌ڕێوه‌به‌رین، نمونه‌ی سه‌رکه‌وتوو‌شمان له سوید هه‌یه: وه‌ک کۆمپانیا و گۆڤاری سه‌ربه‌خۆی ئوردفرۆنت (Ordfront).

ب: (ک.ک.ک.ر) ده‌یه‌وێ پڕۆژه‌ پێشکه‌ش بکاو گرفته‌ئابورییه‌کان زۆر که‌م‌کاته‌وه. ئه‌و هه‌نگاوه، هه‌نگاوێک له‌ پێشتره له ڕێنێسانسی کۆن.

6-2-1- پێڕه‌وپرۆگرام وکاره‌کان

ئه‌لف: زیندووکردنه‌وه‌ی کۆمه‌ڵه‌ی ڕێنێسانس هه‌نگاوێک بۆ پێشه‌وه‌یه‌.

ب: ده‌بوو له‌ هه‌وه‌ڵه ناوی ئه‌ندامانی کۆمیته‌ی وه‌ڕێخستنی ڕێنێسانس بڵاوکراباوه

پ: ده‌‌‌بێ پێڕه‌وپڕۆگرامه‌که به‌ ئاشکرا بڵاوبکرێته‌وه بۆقسه‌وباس.

ت: پێموایه هه‌‌واڵی کۆبوونه‌وه‌‌گشتییه‌که  به‌تێر و ته‌سه‌لی ده‌بێ بڵاوبکرێته‌وه. چه‌ند که‌س به‌‌شداریان کرد له‌ کۆبوونه‌وه‌‌که‌؟ چه‌ندی خایاند؟

ج:  ژن‌ومێرد نابێ پێکه‌وه له کۆمیته‌یه‌ک‌دابن.

چ: ئه‌ندامانی ڕاوێژکار کێن؟ له‌سه‌ر چ بابه‌تێک ڕاوێژیان له‌‌گه‌ڵ د‌‌ه‌کرێ؟

ح: ئاکادیمیسیه‌نه‌کان کێن؟ هاوکاری وان چۆن ده‌بێ؟

خ: کاری کۆمه‌ڵه‌که و کاری مـاڵپه‌ڕه‌‌که وجیاوازییه‌کانیان ده‌‌‌بێ باس بکرێ. چۆنییه‌‌تی پێوه‌ندی کۆمه‌ڵه‌که و ماڵپه‌ره‌که ده‌‌‌بێ باس بکرێ.

د: زانیاری و قسه‌وباس و وتار له‌سه‌ر گه‌شه‌ی ڕێنێسانسی تازه و کۆمه‌ڵه‌که‌ی وهه‌واڵه‌کانی، به‌شێکی تایبه‌تی  بۆ دانرێ له‌سه‌ر ماڵپه‌ره‌که بۆ ئارشیڤ وکۆکردنه‌وه‌‌ی بابه‌ته‌کان.

ر: ئه‌وه‌ی که دووژنی تێکۆشه‌ری ڕێبازی ئازادی ژنان و فێمینیزم له (.ک.ک.ک.ر.) دان ده‌سکه‌وتێکی گه‌وره‌یه.

ز:  پێموایه  ئه‌وه بکرێته‌ دابو نه‌ریتێک که ئه‌ندامانی (ک.ک.ک.ر.)  وبه‌رپرسانی ماڵپه‌ڕه‌که کورته‌یه‌ک له ژیان وتێکۆشان و خوێندنی  خۆیان بنووسن و له‌سه‌رماڵپه‌ڕه‌که بڵاوی که‌نه‌وه.

ژ: پێناسه‌ی تازه‌ی ڕێنێسانس بڵاوکرێته‌وه.

س: پڕۆژه‌ بۆ چۆنییه‌تی بڵاوکردنه‌وه‌ی هه‌واڵی زیندانییه‌سیاسی و مه‌ده‌نییه‌کانی کوردستان ئاماد‌‌ه‌کرێ.

ش: پڕۆژه‌ بۆ چۆنییه‌تی بڵاوکردنه‌وه‌ی هه‌واڵی کوشتن ولێدان له‌ژنان، خۆسوتاندی ژنان و خه‌ته‌نه‌کردن و فره‌ژنی.

ع: خوێندنه‌وه‌ی به‌شی ڕۆژنامه‌وانی نامه‌‌ی دوکتورای کاک ئه‌میر حه‌سه‌نپور پێویسته. له‌گه‌ڵ کاری ئاکادیمی دیکه سه‌باره‌ت به ڕۆژنامه‌وانی گشتی و کوردی. 

ده‌توانی له‌ ڕای خۆت له‌مباره‌وه‌ ئاگادارم بکه‌ی