|
حاتهم مهنبهری
|
حاتهمی مهنبهری ئهندامی
دهستهی بهڕێوهبهری
hatemmenberi@hotmail.com
له ساڵیادی ئهنفال دا ، نههێڵێن ئهنفالکردنی
دهیان ههزار هاونیشتمانی فهیلیمان فهرامۆش
بکرێت
رۆژی چواردەی ئاپریل رۆژی رێزلێنان و
وەبیرھێنانەوەی ئەو سەدان ھەزار مرۆڤەیە كە تەنیا
بەتاوانی كوردبوون گیران ، شكەنجە و پاشان
بێسەروشوێن كران، سەراسەری تەمەنی ریژیمی سەدام
حوسەین بۆ خەڵكی ناوچەی رۆژھەڵاتی ناوین نەگبەت و
وێرانی بوو,
بەڵام بۆ كوردان جگە لەمانە قڕكردن و لە رەگ وریشە
دەركێشانیش بوو.
سەدام و دەسەڵاتی بەعس تا بۆیان كرا لە وڵاتی ئێمە
دا تاوانیان كرد و لەم بارەوە گشت سنوورێكیان
بەزاند، شار و گوندی ئێمەیان رووخاند و سەرچاوەی
ژیانیان لێ بەستین، كانیاوەكانیان كوێر كردنەوە و
رەز و باخ و مووچە و مەزرایان وشك كردین، خەڵكی
ئەم جێگا وێرانكراوانەیان بەكۆمەڵ كوڵەپێچ كردن و
بۆ جێگای دوور و بیابانی لە جەھەندەم چووی
عەربستانیان بردن، لەوی پاش ھەموو دڕەندەگییك
كۆمەڵ كوژیان كردن و گۆڕەكەشیان لە خەڵك شاردنەوە.
ھەموو جوورە چەكێكی قەدەخە كراویان لە دژ بەكار
بردین و بە زۆری زۆرداری تاوانەكانیان لە دونیا
شاردەو.
سەرەتای ھەشتاكان و لەگەڵ دەستپێكرانی شەڕی ئێران
و ئێراق
دا ،دەركردن و راونانی كوردە "فەیلییەكان" دەستی
پێ كرد و لە پڕۆسەییكی چەند مانگە دا وێڕای
وەدەرنانی دەیان ھەزاریان
لە
ئێراق، نزیك پازدەھەزار
كوڕ و پیاوی نێوان 15-45 ساڵ بێسەر و شوين كران و
پێنچ ساڵ پاش نەمانی ریژیمی بەعسیش
ھێشتا
كەس لە جێگای كوشتن و گۆڕستانە كەشیان خەبەری
نیە!! دەوڵەتی كوردی و دەوڵەتی نوێ ئێراق كە
بەرپرسی روون كردنەوەی تاوانەكانی ریژیمی پیشوون،
تائیستا بچووكترین زانیارییان بە بنەماڵەی ئەم
قوربانییانە نەداوە.
"فەیلییەكان" بەشی ھەرە ستەملێكراوی
كوردن،
بەعس و سەدام ئەوانیان پێ كورد و ئێرانی بوون و تۆڵەی
سەدان
ساڵەی عەرەب
لە
عەجەمیان لێ
دەكردنەوە، ئێرانیەكان ئەوانیان پێ ئێراقی و كورد
بوون و تۆڵەی تۆڵەیان لێ دەكردنەوە و پاش سی
ساڵ مانەوە لەئێران وەك زیادی و مێوانی نەخوازراو
چاو لێ دەكران و كوردەكانی دیكەش قەت حیسابی
كوردیان بۆ ئەم بەشەی نەتەوەی خویان نەكردووە، یان
لە باشترین حاڵەت دا پشتگوێێان خستوون و بە
نیسبەتیانەوە بێ موبالات بوون. بەڵگەش
لەمبارەوە فراوانن و تەنیا یەك دانەیان ئەوەیە كە
مێدیای سەربە گشت لایەنە كوردییەكان بچووكترین
جێگایان بۆ ئەم تاوانەی سەدام و ئەم سەدان ھەزار
كوردە قوربانیە تەرخان نەكردووە.
ھەڵبجە و بارزانیەكان وەك دوو خاڵی لووتكە لە
پڕۆسەی دەیان ساڵەی تاوانەكانی سەدام دژ بە گەلی
كورد بۆ كورد و تا ئەندازەییكیش بۆ خەڵكی جیھان
ناسراون ، بەلام لەناو بردنی "كوردە فەیلییەكان"
ھێشتا لە تاریكی دا ماوەتەوە و جێگای شیاوی خوی پێ
نەدراوە، بە ھەموومان ھەوڵ بدەین ئەم دیوارە
بێدهنگییه بڕووخێنین و لەم بەشە ماف
پێشێلكراوەی نهتهوهکهمان خاوەن دەركەوین، بەم
كارەمان ھەم ئەركی ئینسانی خومان بەجێ بێنین و ھەم
تاوانێكی گەورەی تاوانباران ئاشكرا بكەین.
گهر بۆچوونێکت ههیه ئێره کلیک بکه
تکایه ئیشاره بکهن که پهیامهکهتان لهسهر
کام بابهته
مافی بڵاوکردنهوهی ئهم
بابهته بۆ ههڵوێست پارێزراوه ، به هێنانی ناوی سهرچاوه
کهڵک وهرگرتن لهم بابهته ئازاده
|
